Oportunidade:
Desde hai xa varios anos, o turismo foi unha fonte de ingresos importante para a vida no mundo rural. Sexa como actividade principal ou como reforzo secundario doutras actividades, constitúe unha vía de ingresos alternativa para moitas familias, como proba o feito de que a maioría de persoas que rexentan establecementos de turismo rural son mulleres.
Resumo:
As mulleres cada vez toman máis forza no sector do turismo rural representando xa un 59,51% do total dos propietarios de aloxamentos segundo datos extraídos do X Barómetro do Turismo Rural en España.
O informe publicado esta semana polo portal de casas rurais Club Rural mostra un aumento das mulleres propietarias fronte aos homes dun 2.48% no último ano.
Son maioría as propietarias que xestionan soas o seu aloxamento rural (75,44%), un 16,86% teñen empregados ao seu cargo, o 4,14% teñen a unha persoa de confianza que xestiona o negocio e tan só o 3,55% confían nun terceiro para a súa xestión e, ademais, teñen máis empregados.
A media de idade das propietarias rurais está na franxa de entre 45 e 54 anos, sendo estas un 41,12% do total. Por detrás atópanse as comprendidas entre os 55 e os 65 anos (27,52%).
O groso das donas de aloxamentos rurais (un 75,59%) aseguran estar satisfeitas coa súa profesión e admiten que lles enche enormemente.
No lado dos viaxeiros atopamos tamén que son mulleres as que maioritariamente efectúan as reservas. A maior parte das procuras de aloxamentos rurais realizadas no último ano, un 75,15%, efectuáronas mulleres.
A idade da maioría das viaxeiras compréndese entre os 41 e os 50 anos (40.17%) e séguenlle as que se atopan na franxa de entre os 31 e 40 anos (25.3%).
En canto á compañía ao realizar as súas viaxes un 40.79% delas viaxan en familia, as viaxes en parella ocupan o segundo lugar de preferencia cun 35,37% seguidos das escapadas con amigos (23,01%). Tan só un 0.89% das viaxeiras deciden desprazarse soas a un aloxamento rural.